file photo
प्रतिनिधी :मिलन शाह
मुंबई :सर्वाधिक देशभक्तीपर चित्रपट बनवणारे अभिनेते आणि चित्रपट दिग्दर्शक मनोज कुमार यांचे वयाच्या 87 व्या वर्षी मुंबईतील कोकिलाबेन धीरूभाई अंबानी रुग्णालयात निधन झाले.
भारतीय चित्रपटसृष्टीतील महान अभिनेते, दिग्दर्शक आणि निर्माते मनोज कुमार यांचे निधन हे खूप मोठे नुकसान आहे. त्यांनी त्यांच्या कारकिर्दीत “उपकार”, “पूरब और पश्चिम”, “शोर” आणि “क्रांती” यासह अनेक संस्मरणीय चित्रपट दिले आहेत.
मनोज कुमार यांनी आपल्या अभिनयाने प्रेक्षकांच्या मनावर अमिट छाप सोडली. त्यांनी त्यांच्या चित्रपटांमध्ये देशभक्तीपर आणि सामाजिक मुद्दे मांडले, जे आजही प्रासंगिक आहेत.
त्यांच्या निधनाने भारतीय चित्रपटसृष्टीत एक पोकळी निर्माण झाली आहे. त्याच्या आठवणी नेहमीच आपल्या हृदयात राहतील. आम्ही त्यांच्या कुटुंबियांना आणि चाहत्यांप्रती आमच्या संवेदना व्यक्त करतो.