कला विद्यालयाचे विध्यार्थ्यांची सुवर्णं कामगिरी..

एसएमएस-प्रतिनिधी -सोमा डे.

मुंबई :डीएसओ थांग-ता विभागस्तरीय आंतरशालेय स्पर्धा २०२६ दिनांक ०४ जानेवारी २०२६ रोजी नेरुळ येथे पार पडली. या स्पर्धेचे आयोजन नवी मुंबई बीएमसी सीबीएसई स्कूल, नवी मुंबई येथे करण्यात आले होते. या स्पर्धेत मालवणीतील कला विद्यालय चे विद्यार्थ्यांनी उत्कृष्ट खेळाचे प्रदर्शन करत दोन सुवर्णपदके पटकावून शाळेच्या नावलौकिकात भर घातली.
या स्पर्धेत कुमार नोकी अली मोंडल यांनी अंडर १९ वर्षे वय, ७० किलो वजन गटात उत्कृष्ट खेळ करत सुवर्णपदक कमावले. तसेच कुमारी झिक्रा शेख यांनी अंडर १७ वर्षे वय, ४८ किलो वजन गटात दमदार कामगिरी करत सुवर्णपदकावर आपले नाव कोरले.
या दोन्ही खेळाडूंच्या या उल्लेखनीय यशामुळे त्यांची डीएसओ राज्यस्तरीय आंतरशालेय थांग-ता स्पर्धा २०२६ साठी निवड झाली आहे. त्यांच्या या यशाबद्दल शाळेतील मुख्याध्यापक विलीयम पायस व शिक्षकवृंद, प्रशिक्षक तसेच पालकांनी त्यांचे अभिनंदन करत पुढील स्पर्धेसाठी सदिच्छा व्यक्त केल्या आहेत.
विद्यार्थ्यांच्या या यशामुळे कला विद्यालयाचे क्रीडा क्षेत्रातील दर्जा अधिक उंचावला असून सर्व थरातून त्यांचे कौतुक होत आहे.